waapsi

"WAAPSI"
Latest poem by Ahmed Irfan

Phir wahi chandni raaton ka sama'n phir teri qurbat ka khayal

Phir wahi jaa'n ka ziya'n aur wahi be sood sawaal
Mein-e-chahaa thaa ke andoh-e-jafaa se chutoo'n
Mein-e-chaaha tha ke iqraar-e- wafa se paltoo'n
Teergi shab ki mujhe yun tere dar tak layee
Phir wahi tauq-e-malaamat mere sar ayee
Mein-e-ghab-raa ke rag-e-jaa'n se jo nashtar khee-n-chaa
Pooch mut mujh se ke yeh karb kaha'n tak pahoncha
Mausa-mon ki tarah chehro'n ko badal-te-dekha
Chaand-ni raat mein sooraj ko nikal-te-dekha
Chara saazo'n ko bhi shamsheer birah-na-dekha
Pooch mut mujh se ke en aankh-on ne kya-kya dekha?
Umr apni tou un-hi qarz chuka-te-guzri
Jo na waajib tche wahi farz nibhaa-te-guzri
Hum tarah daar hein aise ke adaa rakh-te-hein
khoo'n bahaa dete hein phir qarz adaa kart-te-hein
Zad pe ayaa jo udoo chor diya kar-te-hein
Apne apne bhi kuch andaaz hua karte hein
kaj kulaahi bhi agar ki hai tou aisi ki hai

Apne hatho'n hi se khud zhr-e-halaa-hal pee hai

Phir usi tauq-e-hazeemat ko pahan-ne-ke liye
Teergi shab ki mujhe phir tere dar tak layee
Ab na paltoo'n ga mein iqra-e-wafa se hum-dum
Tere pindaar-e-wafa ki mein qasam khata hoon.